Nabanggit ko rito ang pagdating ng mahigit kumulang 200 na Pinoy taxi drivers sa Abu Dhabi. Marami ang natuwa nang magdesisyon ang Tawa Sul Car Company na mag empleyo ng mga Filipino. Oportunidad. Noong isang linggo, sa magkaibang pagkakataon, may nakausap akong dalawang Pinoy na empleyado-drayber para sa naturang kompanya. Noong nasa Pilipinas pa ako, may pagkasuplada (o sabihin nating pagiging maingat) ako sa mga hindi ko kakilala. Pero nang nangibang bansa ako, kahit hindi ko kakilala at nginitian ako o binati ay malugod ko ring binabati.
-
Tag: Kwentong Kayumangi
-
Kwentong Kayumangi # 6: Dehado
Posted at 4:45 pm , on September 13, 2008
-
Kwentong Kayumangi # 5: Kung kaya’t natuto akong kumain sa palikuran (CR)
Posted at 12:03 pm , on September 6, 2008
Masaya ako sapagkat sabado ngayon. Karamihan sa mga opisina sa UAE ay walang pasok tuwing biyernes at sabado, ito ang aming weekend. Sapagkat linggo na bukas, mababago na uli ang oras ng aking pagkain.
Nagsimula na ang Ramadan noong Setyembre 1, lunes. Ito ang pinakaaabangang sandali ng mga Muslim. Ayon sa Kalendaryo ng Islam, ang ika-siyam na buwan ang tinutukoy na panahon kung saan ang Qur’an ay inilahad kay Anghel Gabriel, na inilahad naman sa Propetang si Muhammad. Isang buwang ipinagdiriwang ang Ramadan. Kung kaya noong Agosto 31, namahagi sila ng minatamis (sweets) gaya ng nasa larawan sa itaas, bilang pagpapakita ng kanilang kasiyahan. Tinikman ko ito, lasang chocolate mousse.
Sa tuwing Ramadan, ang mga Muslim ay hindi pwedeng kumain simula bukang liwayway (dawn) hanggang takipsilim (sunset). Sapagkat ako ay Katoliko, hindi ko ito inoobserba lalo na noong ako ay nasa Pilipinas pa. Ngunit ngayong ako ay nasa Abu Dhabi na, hindi na ganoon kasimple ang lahat.
-
Kwentong Kayumangi # 4: Ano ang lihim ng iyong pangalan?
Posted at 10:53 am , on August 23, 2008
Ano nga ba ang tamang basehan nang pagbibigay ng pangalan sa isang tao? Naalala ko ang ikinuwento nang pumanaw kong Lola. Dati raw ay sa mismong araw ng kapanganakan pa lamang iniisip kung ano ang ipapangalan sa sanggol. Ngunit sa makabagong panahon, ilang buwan bago ang kapanganakan ay nakahanda na ang ipapangalan kung sakaling ang sanggol ay babae o lalaki. Sa Pilipinas at ibang bansa, kadalasan ang kasarian ng sanggol ay alam na. Ngunit sa ilang piling bansa, kagaya ng India, ipinagbabawal ang ultrasound, sapagkat ito ay hindi naaayon sa kanilang tradisyon.
Noong ako ay nasa haiskul, nakarinig ako ng kakaibang pangalan sa unang pagkakataon. Kung ano ang kanyang apelyido ay iyon din ang eksaktong pangalan niya. Ang dahilan? Ayon sa kanyang mga magulang, para raw madaling tandaan sa tuwing isusulat ang pangalan noong siya ay nasa elementarya pa lamang. Simula nang napunta ako sa Gulpo, muli kong naengkuwentro ang ganitong kumbinasyon ng pangalan. Sina Mohammed Mohammed, Mohammad Mohammad, at marami pang iba.
-
-
About witsandnuts
Marhaba! That's "hello" in Arabic. I am an expatriate based in Abu Dhabi, United Arab Emirates (UAE). I started writing about my adventures and misadventures few months before arriving here at winter of 2008. I have 2 cats and a dog who live harmoniously together. I am also surrounded by kindhearted, crazy, funny and indescribable humans!
I was a dormant blogger for almost 3 years because of countless reasonable justifications like watching football, postgraduate studies, sleeping, traveling, caring for the world, and more! :) I am just so happy that I am back! It is never too late to catch up with the people and things we really care about. Feel free to look around. Useful resources
witsandnuts 